Sidan det framleis er ledige plassar til det lukka ungdomsarrangementet med m.a. Oddvar Torsheim, vert det no lagt ut billettar for vanleg sal. Arrangementet er i utgangspunktet tilpassa aldersgruppa 13 - 19 år, men det vert også opna for anna publikum.

Arrangementet med Arnfinn Nordbø, Oddvar Torsheim og Birger Meland er på Fretheim Hotel fredag 30. oktober kl. 21.00. I første del av arrangementet vil Arnfinn Nordbø fortelja om sine opplevingar med å stå fram som homofil i det kristne bedehusmiljøet i Stavanger. Nordbø har skrive boka Betre død enn homofil?, som kom ut på Det Norske Samlaget tidlegare i haust. 

I del 2 av arrangementet vert det full trøkk frå Oddvar Torsheim og kompanjong Birger Meland. Her vert det Råkk'n Råll for alle pengane.

Billettane til arrangementet kostar 100 kr og kan kjøpast i resepsjonen på Rådhuset i Aurland, tlf. 57 63 29 00 eller på billett@nynorskelitteraturdagar.no

Birger Meland og Oddvar Torsheim


Arnfinn Nordbø