Oct
27
8:30pm 8:30pm

Kai Martin Brekke & Tor Talle

 I desember 2016 platedebuterte han med albumet «Tid». Det er ei variert og stemningsfull plate i sjangeren melodiøs visepop, med innslag av rock og blues. Tekstane på nynorsk og sognamaol handlar om levd liv og draumar. Litt alvor, men mest skråblikk med glimt i auga.

 Etter gode tilbakemeldingar er han, saman med gitarist og musikkansvarleg Tor Talle, klar til å gje musikkglade sogningar og andre ei lun og spennande konsertoppleving.

View Event →
Oct
27
9:30pm 9:30pm

Svarteper

Me er er glade for å kunne presentere Jon Solberg og Anders Røine under Nynorske litteraturdagar. Duoen Svarteper leverer viser som handlar om livet på godt og vondt og det midt i mellom. ”Heilt frå eg var liten har eg lika musikk med innhald. Tekstar å kjenne seg att i. Melodiar å synge med på. Låtar som har noko å melde, noko på hjertet.” (Jon Solberg).

Me ynskjer velkomen!

View Event →
Oct
28
11:00am11:00am

Bokbad - Ragnhild Kolden

Ragnhild er frå Bøverdalen i Lom og bur i Oslo. Ho har tidlegare gitt ut ein kritikarrost romantrilogi om andre verdskrigen og etterkrigsåra, og skriv kriminalromanar som del av forfattarparet Kroken & Kolden. 

Det gode vi ikkje gjer er Ragnhild Kolden sin fjerde roman. Den låner element frå både kriminalromanen og den psykologiske thrilleren, og er ei sterk historie om fornekting, unnlatingssynder, svik og skuld. Me får møte henne i samtale med Jan H.Landro.

View Event →
Oct
28
12:00pm12:00pm

"Himmelspringaren"

Adele Duus og Monika Solheim

Adele Duus og Monika Solheim

Det er ei glede å få presentere desse to flotte damene! Adele og Monika har jobba saman fleire gonger, og produsert flotte forestillingar for born. No kjem dei til nynorske litteraturdagar med ei heilt ny forestilling. "Himmelspringaren" er basert på Sissel Horndal si bok med same tittel. Den passar for born i alle aldrar, frå 3 år. Me gledar oss!

"Den dagen lammet «Lilla» kjem til verda, vert det sjokk i Gullullafjøset.  Ho er jo ikkje som vanlege søte kvite lam, ho er lilla!  Ingen vil vite av henne, ikkje ein gong mor hennar.

Det er vondt å verte støytt ut av sine eigne, men dagen då den farlege Kvasskjeften kjem, viser Lilla kor mykje mot som kan bu i ein liten lammekropp, sjølv om den er litt annleis enn dei andre." 

Ei figurteater framsyning for folk frå 3 år.

Medverkande:

Av og med: Monika Solheim & Adele Lærum Duus

Regi: Annicke Gill Haukås

Musikk: Hallvard Lærum

 

 

View Event →
Oct
28
9:30pm 9:30pm

Bob Dylan på nynorsk!

Rockepoeten Tom Roger Aadland sitt album «Blondt i blondt» (Bob Dylans meisterverk «Blonde on Blonde» gjendikta til nynorsk) har fått ei strålande mottaking av eit samla kritikarkorps.

Han har blitt omtalt som ein «tekstforfatter av stort format» og «en melodisnekker av de sjeldne», men Tom Roger Aadland er også ein bunnsolid og energisk utøvar med ei spesiell evne til å formidle innhaldet i ein song. Han har sunge Dylan på nynorsk og framført eigne, kritikarroste låtar på tallrike konsertar over heile landet dei siste åra, og har rykte på seg for alltid å levere varene på scena, enten han opptrer solo eller med fullt band. Han trivst like godt på ein sveitt rockeklubb i hovedstaden som på eit landsens kulturhus ute i havgapet.

No kjem han til oss, og me gler oss til laurdagskvelden, då entrar han scena i Fretheimssalen med fullt band!

View Event →
Oct
28
to Oct 29

Månevenn

Månevenn er eit pop-rock band frå Jølster i Sogn og Fjordane. Dei skriv på nynorsk og syng på sunnfjorddialekt. Denne hausten kjem dei med plate nr 2 og me er stolte over at dei kjem på besøk til oss. Tekstar med glimt i auge, med lun humor eller skarp tunge - desse karane har alt!

View Event →

Sigrid Moldestad - konsert med nynorske salmar
Oct
23
4:00pm 4:00pm

Sigrid Moldestad - konsert med nynorske salmar

Sigrid Moldestad. FOTO: Magnus Skrede

Sigrid Moldestad. FOTO: Magnus Skrede

Sigrid Moldestad tek med seg fantastiske musikarar til Vangen kyrkje søndag 23. oktober, for å framføra konserten "Sova under englevakt i stova".

Med seg har ho Sigbjørn Apeland på trøorgel, Kåre Opheim på trommer og BJ Cole på pedalsteel. Og når ein toppar dette med Vangen kyrkje i Aurland som arena, så er ein garantert ei fantastisk oppleving!

Sigrid Moldestad er ein av Norges fremste artistar innan folk og tradisjonsmusikk. Ho kjem frå Breim i Nordfjord og har beina trygt planta i strøkets friske og utadvendte folkemusikk. Gjennom sine fem soloplater har hun skapt eit eige uttrykk der ho blandar tradisjon med eigne låtar og tekster på nynorsk. Med eit sterkt forteljarhjarte har ho ei eiga evne til å røra publikum anten det er i leikfull kraft eller melankoli og vakre sjølvskrivne viser og tekster. 

Med konserten “Sova under englevakt i stova” siterer folkartisten Moldestad ein av sine favorittsalmar. Denne og fleire til skal fylle eit særmerkt konsertprosjekt der dei nynorske tekstane står i fokus. 

Å synge salmane på nynorsk var ganske revolusjonært og til og med ulovleg i si tid. Landsmål som kyrkjemål vart først godkjent i 1892 og den første nynorske salmeboka kom i 1925.

Sigrid Moldestad og musikarane lovar ein nær og annleis konsert med nynorske ord frå fantastiske salmediktarar som t.d Elias Blix, kanskje den største salmediktaren av dei alle. Kledd i folketonedrakt, melodiar slik ein kjenner dei og nye melodiar.

For meir informasjon om Sigrid Moldestad, sjå her.  

NB! Me tek førehald om endring i tida for denne konserten - den kan bli flytta til litt seinare på dagen. Informasjon om dette vil i så fall koma raskt!

 

View Event →
Elena Ferrante-bøkene på nynorsk
Oct
23
1:30pm 1:30pm

Elena Ferrante-bøkene på nynorsk

Omsetjar Kristin Sørsdal. FOTO: Jan Lillebø

"Alle" har lest dei første tre bøkene i Napoli-kvartetten av Elena Ferrante. Omsetjar Kristin Sørsdal fekk i april Målprisen 2016 for sitt arbeid med å setja dei fire bøkene i Napoli-kvartetten om til nynorsk. Forfattaren Elena Ferrante har hatt ein sensasjonell suksess over heile verda med bøkene om dei to venninnene Elena og Lila - og takka vera Sørsdal har Ferrante-feberen også kunna breia seg i Noreg.

Forfattar og omsetjar Øystein Vidnes kjem for å samtala med Kristin Sørsdal om desse bøkene, omsetjing, språk og skriving.  

View Event →
Oct
23
12:30pm12:30pm

Litterær samtale mellom Lars Amund Vaage og Jan H. Landro

Det er eit gripande og personleg møte med forfattaren Lars Amund Vaage som ventar oss denne dagen. Vaage har skrive både for born og vaksne, men har fått spesielt mykje merksemd som prosaforfattar for vaksne - med bøker som søkjer innover mot det personlege og ekte. 

Lars Amund Vaage. FOTO: Hans Jørgen Brun

Lars Amund Vaage. FOTO: Hans Jørgen Brun

I samtale med Jan H. Landro er det romanen Syngja det i all hovudsak skal dreia seg om. Ein roman som er djupt personleg, vakker og tankevekkande - som tek føre seg livet med ei dotter som har autisme. Romanen er eit forsøk på å skriva hennar historia, og syner kor vanskeleg det er, men òg kor viktig det er å prøva å forstå ei som ikkje let seg forstå. 

Vaage og Landro kjem også til å snakka om essayet Sorg og Song - der Vaage skriv om kor vanskeleg det var å skriva romanen Syngja

 

 

View Event →
Danseførestilling: Inkonsekvent
Oct
23
11:30am11:30am

Danseførestilling: Inkonsekvent

Berit Einemo. Foto: Fan Wu

Søndag får publikum høve til å sjå ei danseførestilling utanom det vanlege. Førestillinga er eit resultat av ein danseverkstad der dansarane Anna og Berit Einemo har utforska ulike tema saman med born frå Aurland musikk- og kulturskule.

Tema for førestillinga: Alle menneske står ovanfor store og små val i livet. Definerer vala me tek kven me er? Kva er følgjene av å ikkje velje, er det i det heile mogleg? Nokre gonger handlar ein utifrå sjølvstendige val. Eller gjer ein eigentleg det når alt kjem til alt? Kor påverka blir me eigentleg av andre menneske?

Når ein er i ferd med å bli vaksen dukkar det opp stadig nye utfordringar og dei vala som tidlegare blei tekne hand om av vaksne omsorgspersonar må ein gradvis ta stilling til sjølv. Kjensler av tvil kan kome snikande og det er ikkje alltid like lett å bestemme seg.

Anna Einemo. Foto: Antero Hein

Saman med borna har Anna og Berit utforska korleis denne tematikken kan utspele seg gjennom rørsle og gruppedynamikk. I tillegg er litteratur frå nynorske forfattarar blitt nytta som inspirasjonskjelde i prosessen, mellom anna Halldis Moren Vesaas, Jon Fosse, Per Sivle og Aasmund Olavsson Vinje.

View Event →
Litterær speed-dating med SKALD forlag
Oct
23
11:00am11:00am

Litterær speed-dating med SKALD forlag

Har du ein forfattar i magen? Eller kanskje du har ein god idè og kjenner ei stadig sterkare skrivekløe? No kan du prøve ideane dine på ein ekte forlagsredaktør!

Under  Nynorske litteraturdagar i år får du nemleg sjansen til å gå på speed-dating med forlagssjef Simone Stibbe i SKALD – og kanskje er det akkurat din bokidè som tenner gneister hjå det lokale forlaget på Leikanger.

– Men det er ikkje berre forfattarspirer me ser etter, presiserer Stibbe. Både omsetjarar, designarar, fotografar og illustratørar er hjarteleg velkomne til ein kjapp prat med oss!

SKALD forlag vil ta i mot folk fortløpande mellom kl 11 og 12:30, i resepsjonsområdet til Fretheim hotel i Flåm.

Så har du ein god idè, eller eit eller anna kreativt prosjekt som ligg og ulmar, fyll ut skjemaet og ta det med deg på festivalen. Det kjem også til å liggja skjema på sekretariatet vårt under Nynorske litteraturdagar.

Last ned skjemaet her: Litterær speed-dating

View Event →
Tor Jonsson Orkester med Aasmund Nordstoga
Oct
22
10:30pm10:30pm

Tor Jonsson Orkester med Aasmund Nordstoga

2016 er året me markerer 100-årsjubileet til den store diktaren Tor Jonsson frå Lom. Tor Jonsson Orkester tek med seg Aasmund Nordstoga og konserten "Tor Jonsson - 100 år med kjærleik og død", og avsluttar laurdagskvelden vår på Fretheim. 

Tor Jonsson Orkester: Hildegunn Hovde (song), Aslak Brimi (fele), Trond "Highasakite" Bersu (trommer), Stein Magne Eggen (akkordeon), Aksel Jensen (bass) og Gudmund Bolstad Skjær (gitar). Gjestevokalist: Aasmund Nordstoga.

 

View Event →
Konsert med Longhorn - "Pao eigne bein"
Oct
22
8:00pm 8:00pm

Konsert med Longhorn - "Pao eigne bein"

Coveret på den nye CDen til Longhorn. FOTO: Kristen Olav Grøttebø

Coveret på den nye CDen til Longhorn. FOTO: Kristen Olav Grøttebø

Longhorn ute med ny CD!

Longhorn er kjent for dei fleste, og vert rekna for fylkets eldste countryband. Dei er no ute med CDen "Pao eigne bein" - med eigenkomponerte melodiar som vert framførte på rein lærdalsdialekt. 

I 2013 gav dei ut Hometown Street, som inneheld fleire publikumsfavorittar. Longhorn kallar seg glade amatørar, men musikken er slett ikkje amatørmessig.  Longhorn er kjende for å skape god stemning og fylle dansegolvet.

View Event →
Oct
22
5:00pm 5:00pm

Tidlaust landskap - Karl Seglem, Jorunn Barane og Jonas H. Sjøvaag

Karl Seglem.

Karl Seglem.

Tidlaust landskap er ei framsyning, ein konsert, ei reise. Hybrid. Ordlaus lyd som bølgjar i samklang med røyster som i eine augneblinken fortel høgt og manande og som i den neste kviskrar poesi. Lyd og ord, bilder som smeltar saman i den som lyttar og vonaleg kan opna opp til noko nytt i kvar og ein. Vi må våga å gå inn i eit meir mytifisert landskap i oss sjølve, og samstundes la oss bli påvirka av den ur-krafta naturen er. Finna og formidle den poetiske krafta i oss sjølve og i naturen. Musikken, klangen, blir enkel og basert på lyden av horn/bein og trommer/skinn, kobla mot og utvikla gjennom bruk av elektronikk.

Jorunn Barane.

Jorunn Barane.

Dei tekstlege utgangspunkta er norrøne forteljingar, huldresegn og eigen poesi. Vi vil at det skal vera nært og ekte, men samstundes vil det peika utover, framover, både lyd og innhaldsmessig. Ikkje alt skal eller kan forståast eller forklarast. At urframføringa skjer på eit hypermoderne nyvinnande framkomstmiddel i eit ur-gammalt landskap, er eit paradoks som inspirerer oss. Konserten, framsyninga, reisen er også hybrid. Det kjem også til å vera opne improviserte sekvensar der naturen sjølv kan bli medspelar. Kven veit ? Munnleg forteljar-tradisjon treng eit intimt rom, eit samspel både med tilhøyrarane og omgjevnadane. I dette tilfelle ein moderne "ferjesalong" på mektige Nærøyfjorden. Vi gler oss til å ta lyttarar i alle aldrar med på denne reisa i tidlaust landskap.

Jorunn Barane, røyst

Karl Seglem, bukkehorn, t.sax, røyst, poesi, elektronikk

Jonas Howden Sjøvaag, håndtromme, røyst, elektronikk

Det blir sett opp buss frå Flåm til Gudvangen kl 1630, 1645 og 17 for dei som skal bli med på båtturen som går frå Gudvangen kl 1730.

View Event →
Dei diktande mødrene våre - Hagerup, Vesaas og Takvam
Oct
22
3:00pm 3:00pm

Dei diktande mødrene våre - Hagerup, Vesaas og Takvam

Vår eiga Ragnhild Sælthun Fjørtoft tek med seg dei tre vidgjetne diktarsønene Klaus Hagerup, Olav Vesaas og Magnus Takvam for å samtale om dei diktande mødrene sine. Som søner av Inger Hagerup, Halldis Moren Vesaas og Marie Takvam kan dei gje oss eit heilt unikt innblikk i både liva og forfattarskapa til tre av våre verkeleg store kvinnelege forfattarar.  

View Event →
Programendring! Nynorske klassikarar med SKALD forlag og Jan H. Landro
Oct
22
1:30pm 1:30pm

Programendring! Nynorske klassikarar med SKALD forlag og Jan H. Landro

Gunnhild Øyehaug må diverre melda avbod grunna sjukdom, og me kan ikkje anna enn beklaga på det sterkaste til dei som har gledd seg til å treffa Øyehaug.

Øystein Vidnes

Øystein Vidnes

 

Me kan heldigvis informera om at programposten blir erstatta av fantastiske folk frå SKALD forlag si satsing på Nynorske klassikarar. SKALD forlag har i haust lansert si første omsetjing av klassikarar frå verdslitteraturen til nynorsk. Jon Fosse har omsett Forvandlinga av Franz Kafka, i tillegg til andre forteljingar Fosse tykkjer spesielt godt om. Neste ut i serien er Mary Shelley si bok Frankenstein, sett til nynorsk av Øystein Vidnes. Publikum vil få ein eksklusiv første smakebit frå denne boka - før alle andre! 

Me får i tillegg møta forlagssjef Simone Stibbe i denne samtalen med Øystein Vidnes og Jan H. Landro. 

Simone Stibbe

Simone Stibbe

Lanseringa av den første boka i serien fekk stor og fortent merksemd på grunn av omsetjingsarbeidet til Fosse, men også på grunn metoden dei valde å lansera boka - med opplesing minutt for minutt, direktesendt på nettet.

Dette kan festivalpublikummet få sjansen til å gjenoppleva ved å ta turen innom festivalbokhandelen vår i løpet av helga. Direktesendinga ligg på ein pc med høyreklokker til, der de kan oppleva Jon Fosse si høgtlesing. I tillegg får de oppleva folkelesnaden av resten av forteljinga - også dette direkteoverført på nett. 

View Event →
PROGRAMENDRING: Jan H. Landro presenterer biografien om målaren Bernt Tunold
Oct
22
12:30pm12:30pm

PROGRAMENDRING: Jan H. Landro presenterer biografien om målaren Bernt Tunold

Kjartan Fløgstad må diverre melda avbod til årets arrangement, og sjølv om det alltid er trist å måtta avlysa annonserte programpostar, så er det ei glede å informera om at tidlegare kulturredaktør i BT og vår eminente bokbadar Jan H. Landro har takka ja til å steppa inn. 

Jan H. Landro

Jan H. Landro

Bernt Tunold: Frå Mundal i Fjærland (1932)

Bernt Tunold: Frå Mundal i Fjærland (1932)

Landro er aktuell med ein biografi om målaren Bernt Tunold (1877-1946) frå Selje og vil fortelja om hans liv og kunst. Tunold var samstundes med Astrup og kom litt urettferdig i skuggen av han. Tunold har nærast kartlagt Vestlandet gjennom kunsten sin. År etter år var han på målarferd, frå Sunnmøre i nord til indre Ryfylke i sør, men framfor alt oppheldt han seg i Sogn og Fjordane, sjølv om han i fleire tiår hadde Bergen som bustedadresse. Boka er i produksjon frå Selja Forlag i desse dagar og skal lanserast 8. november i år. Festivalpublikumet får altså ein første og såleis eksklusiv presentasjon av dette bokprosjektet. 

Jan H. Landro blir elles å treffa på festivalen vår i samtale med Gunnhild Øyehaug og Lars Amund Vaage. 

 

View Event →
Boklansering: Biene, av Meelis Friedenthal
Oct
22
11:30am11:30am

Boklansering: Biene, av Meelis Friedenthal

I samarbeid med Bokbyen Skagerrak vert det boklansering under Nynorske litteraturdagar også i år! 

Den estiske forfattaren Meelis Friedenthal fekk EUs litteraturpris i 2013 for romanen Biene, som også har fått fleire litteraturprisar i Estland. Biene er til no komen ut i Italia, Latvia, Nederland og Norge, og fleire omsetjingar er under arbeid. Friedenthal er professor i Tartu, og er denne vinteren gjesteprofessor i Uppsala. 

Øyvind Rangøy debuterer som omsetjar av romanar med denne boka. Rangøy er lyrikar, omsetjar og mellom anna redaktør av medlemsbladet til Norsk Estisk Forening.

Biene kjem ut på Bokbyen Forlag i Tvedestrand, og forlagsredaktør Jan Kløvstad leier samtalen mellom forfattar og omsetjar på Fretheim hotel. 

Nytt sjansen til å bli kjend med ein spennande estisk forfattar! Vel møtt!

Forfattar Meelis Friedenthal. Foto: Bokbyen Skagerrak

Forfattar Meelis Friedenthal. Foto: Bokbyen Skagerrak

View Event →
TYL-kveld med Finn Tokvam og Halvor Folgerø
Oct
21
10:30pm10:30pm

TYL-kveld med Finn Tokvam og Halvor Folgerø

Finn Tokvam og Halvor Folgerø. FOTO: samlaget.no

Finn Tokvam og Halvor Folgerø. FOTO: samlaget.no

Forlaget skriv dette om kultromanen TYL:

TYL: m1 vestnorsk skjellsord, dum, naiv mannsperson, din t-, f1 di t-e ; blir også brukt vennskapeleg, i tydinga intelligent tosk.

Tyl er ein sorgmunter og humoristisk roman om kjærleik, vennskap og sakn. Og om kunsten å vere seg sjølv. Ove Ullkvam bur i ei lita bygd. Han lurer på når livet eigentleg skal ta til, og saman med kameraten Ragnar fyller han dagane med mokkabønner, Charlie Parker og Olav Stedje. Og med draumen om den store kjærleiken.

Og med nytt opplag ute av denne kultromanen, må det jo berre bli TYL-kveld på Nynorske litteraturdagar også! Og me høyrer rykte om at kanskje Olav Stedje dukkar opp...

View Event →
Litterær samtale mellom Gudmund Skjeldal og Kristian Finborud: Begrav meg i snø
Oct
21
9:00pm 9:00pm

Litterær samtale mellom Gudmund Skjeldal og Kristian Finborud: Begrav meg i snø

Gudmund Skjeldal. Foto: Ellen Lande Gossner

Gudmund Skjeldal. Foto: Ellen Lande Gossner

Kristian Finborud. Foto: Per Finne

Kristian Finborud. Foto: Per Finne

«Kan du ikkje kikka på desse tekstane, og kjenna om du får lyst til å teikna noko til dei?» Dette var Gudmund Skjeldals opne, men også nokså freidige invitasjon til kunstnaren Kristian Finborud. Det var etter monstervinteren 2014. I fjella rundt Voss syntest det aldri å slutta å villa snø. I låglandet regna det.

Finborud, visste Skjeldal, har denne eigne evna å lokka fram det blå lyset frå snøen i trykka sine, men kanskje kan han også fargeleggja den harmen somme av oss kjenner når snømennene og skispora regnar bort? Ut av tekstane til Skjeldal blei dei ei heil dagbok. Ut av trykka til Kristian Finborud blei det ein heil vinter. Begrav meg i snø er den barnlege, men også vaksne erkjennande overskrifta, på dette fruktbare samarbeidet.

Møt dei i Fretheimsalen i Flåm!

For meir informasjon om kunsten til Kristian Finborud, sjå her

View Event →
ROSE - Fliflet med Robert Burns på nynorsk
Oct
21
7:30pm 7:30pm

ROSE - Fliflet med Robert Burns på nynorsk

ROSE: Anders Røine, Gabriel Fliflet og Kirsten Bråten Berg. FOTO: Vidar Herre

I konserten Rose møter du tre av våre beste folkemusikarar, med songar av Robert Burns til ny, melodiøs musikk av Gabriel Fliflet.

Kirsten Bråten Berg – song, munnharpe, egg, Anders Røine – langeleik, gitar, fele, munnharpe, song og Gabriel Fliflet – trekkspel, piano, song.

FOTOKJELDE: Wikipedia

Robert Burns levde på slutten av 1700-talet, men er framleis ein av dei mest elska songpoetane i verda. No har den fargerike musikaren og musikkmakaren Gabriel Fliflet dikta heilt nye tonar til mange av Burns sine songar, i fabelaktig omsetjing til norsk av Johannes Gjerdåker.

Det nykomponerte verket til Fliflet har fått namnet Rose etter A Red, Red Rose – den mest kjende songen til Burns ved sida av Auld Lang Syne. Rose er eit tingingsverk til Vossajazz 2016. Med utgangspunkt i danserytmar som gangar, vals, springar og reinlendar vil grunntonen kvila i norske tradisjonar. Klangar og tonesprang frå fjernare himmelstrøk vil nok likevel òg trenga seg på. 

Det er duka for eit skikkeleg stjernemøte i Fretheimsalen denne kvelden - med musikarar av ypparse klasse!

Meir info finn du på Gabriel Fliflet si heimeside.

View Event →
Skulearrangement: Terje Torkildsen vitjar ungdomsskulen
Oct
21
10:00am10:00am

Skulearrangement: Terje Torkildsen vitjar ungdomsskulen

Forfattar Terje Torkildsen

Forfattar Terje Torkildsen

Terje Torkildsen er ein populær ungdomsbokforfattar og den einaste som har vunne Uprisen to gonger. Han er utdanna norsklektor og skriv på nynorsk. I tillegg til dette er Torkildsen komikar og bruker mykje humor i formidlinga. Hausten 2016 kjem han med ny bok, Stavanger Stories 1, som er ein novellekrans om og for ungdom, men dei føregåande bøkene hans Arrfjes, Marki Marco eller Dystopia-serien, er godt kjende blant ivrige lesarar. 

View Event →
Morgonfrosken - konsert for born
Oct
21
9:00am 9:00am

Morgonfrosken - konsert for born

F.v: Annlaug Børsheim, Ingemund Askeland og Mari Skeie Ljones.

F.v: Annlaug Børsheim, Ingemund Askeland og Mari Skeie Ljones.

Morgonfrosken syng songar om store spørsmål og emne som universet, tankane våre, einsemd og kjærleik, til nære og konkrete fenomen som vêr og vind, fuglar og froskar. Musikken er inspirert av norsk folkemusikk, så her blir det både vals, halling, rudl og reinlender.

Tekstane er skrivne av Per Olav Kaldestad og henta frå boka ”Når Morgonfrosken syng” og musikken er laga av Annlaug Børsheim frå Ulvik. Ho syng og spelar fele og gitar, og ho har med seg den banjospelande klarinettisten Ingemund Askeland frå Etne og felespelaren Mari Skeie Ljones frå Lillehammer. Trioen har turnert for Haugesenteret med Den kulturelle skulesekken i Hordaland og spelt ei rekke konsertar for store og små, og kjem dei altså til Aurland og Indre Sogn - for å presentera konserten om Morgonfrosken, som også har resultert i ei rykande fersk plate denne hausten. 

Konserten er del av årets skulearrangementet, og vil finna stad i Aurland idretts- og samfunnshus fredag 21. oktober på morgonen.

View Event →
NYnorsk standard med Voss storband og Marerutt
Nov
1
3:30pm 3:30pm

NYnorsk standard med Voss storband og Marerutt

NYnorsk standard

Førestillinga er eit samarbeid mellom Voss Storband og Marerutt. Publikum vert servert musikk frå den store amerikanske perioden av storbandjazz med standardlåtar, her ikledd nynorsk språkdrakt. Det vert god stemning med svingande musikk og humoristiske innslag. Nynorske litteraturdagar kan vel ikkje få ei betre avslutting enn dette! 

Voss Storband:

Vart skipa i 1974 og har storbandjazz som sin musikalske profil.

Saksofon: Jan Tvilde, Åse Marie Jordal, Daniel Lid, Rune Rønhovde, Halvard Bjørgo 

Trompet: Styrk Opheim, Lillian Hjelmelan,Trond Remme, Jostein Bøyum, Arild Hellesøy

Trombone: Berit Veka, Gjertrud Karevoll 

Komp: John Taylor, Erlend Styve, Bjørne Møen, Trond Matre

Foto: Lisa Maria Breistein Sølvberg, Avisa Hordaland

Marerutt:

Marit Norheim Olde og Ruth Kristin T. Trå, revyduo frå Voss som har vunne prisar på NM i revy og fleire andre revyfestivalar.

View Event →
Flåm musikklag - stumfilmkonsert; One week av Buster Keaton
Nov
1
3:00pm 3:00pm

Flåm musikklag - stumfilmkonsert; One week av Buster Keaton

Foto: Rolf Engløkk

Foto: Rolf Engløkk

Vårt eige Flåm musikklag under leiing av dirigent Martin Hendriks vil spela stumfilmkonsert i Aurland som del av avsluttinga av Nynorske litteraturdagar. 

Nynorske litteraturdagar har frå starten hatt ein tradisjon for å kombinera språk og musikk. Flåm musikklag kjem difor i år med noko veldig spesielt. Dei skal syna fram ein stumfilm, nesten 100 år gammal, og spela musikken synkront med filmen. Du får altså ei filmoppleving med levande orkestermusikk på kjøpet!

One week av Buster Keaton, 1920

One week av Buster Keaton, 1920

Filmen ’One Week’ av Buster Keaton er eit lite meisterverk på 20 minutt frå 1920. Det er ei humoristisk skildring av ei veke i livet til eit nygift ektepar, som får eit noko spesielt hus i bryllaupsgåve. Filmen eignar seg for alle aldrar. 

View Event →
Dukketeater - Snøhumla Mille
Nov
1
1:15pm 1:15pm

Dukketeater - Snøhumla Mille

I 2013 gjorde Janne Marit Øye stor suksess med barneboka Snøhumla Mille - ei hjartevarm forteljing om korleis det er å vere eit bittelite dyr. Ei forteljing som denne om humla Mille kan òg fort kome til å setje i gang produksjon av spørsmål rundt humlene, som korleis og kor lenge dei lever og slike ting. Og no har Janne Marit Øye gjort boka om til dukketeater - som me trur vil gleda dei minste tilhøyrarane på Nynorske litteraturdagar stort. 

Dukkene er laga av Marit Torgersen, og forteljar er Janne Marit Øye sjølv.

Foto: Ørsta bibliotek

Foto: Ørsta bibliotek

View Event →
Litterær samtale: Eit tidsrom - med Finn-Egil Eide & Ove Eide
Nov
1
1:15pm 1:15pm

Litterær samtale: Eit tidsrom - med Finn-Egil Eide & Ove Eide

Lyrikaren og kunstnaren FInn-Egil Eide frå Nordfjordeid, kjem til Nynorske litteraturdagar med den heilt ferske diktsamlinga "Eit tidsrom". Eide kjem for å ha ein litterær samtale med Ove Eide - som har vitja Nynorske litteraturdagar mange gonger før - om både  kunsten og lyrikken.

Finn Egil Eide fyller 75 år i år, og har ei lang karriere som kunstnar og forfattar bak seg. 

Ove Eide

Ove Eide

Ove Eide kjenner Finn-Egil Eide godt. Ove Eide har redigert, skrive og gjeve ut over 20 bøker, og er no pensjonert lektor i norsk og mediefag ved Firda vidaregåande skule på Sandane i Sogn og Fjordane. Han har hatt ei rekkje tillitsverv i organisasjonar, mellom anna vore styreleiar i Nordfjord Folkemuseum. Fram til 2013 var han leiar i Språkrådet sitt fagråd for skule og offentleg forvaltning. 

View Event →
Aktuelt: utanlandsk litteratur i nynorsk omsetjing
Nov
1
12:15pm12:15pm

Aktuelt: utanlandsk litteratur i nynorsk omsetjing

Me er mange som har slukt bøkene til både Elena Ferrante og Anna Gevalda i nynorsk omsetjing - bøker som fengar svært mange lesarar landet over. Nokre av kommentarane ein ofte høyrer i samband med at folk les bøker som desse, er at dei "ikkje la merke til at dei var omsett til nynorsk". Kva kriterium vert lagt til grunn når forlaga vel seg ut utanlandsk litteratur til nynorsk omsetjing? Er dei bøkene spesielt gode? Eller er det slik at nynorsk er ei spesielt god målform til nettopp dette føremålet? Kanskje får me svar på nokre av desse spørsmåla når omsetjarane Øystein Vidnes og Øystein Rosse kjem saman til samtale i samband med Nynorske litteraturdagar.

Øystein Rosse har omsett bøker til både bokmål og nynorsk i ei årrekke, og spesielt kjend er arbeidet han har gjort med danske Lene Kaaberbøl sine bøker: VILLHEKS-serien, KATRIONA-serien og ikkje minst SKAMMAR-serien. I dag er CHERUB-serien til Samlaget (nynorsk) og RUBY REDFORT-serien til Mangschou (bokmål) noko av det viktigaste Rosse jobbar med.

Rosse tek også del i skulearrangementet under Nynorske litteraturdagar, der Kaaberbøl si bok "Skammarens dotter" vil vera tema på ungdomsskulen i Aurland. 

Øystein Vidnes  er forfattar, kritikar, omsetjar og grafisk designar. Vidnes fekk Kulturdepartementet sin kritikarpris i 2010. Medredaktør i tidsskriftet Vagant. Nyaste omsetjing: April av Angelika Klüssendorf (Skald forlag 2015). Bur i Leikanger.

View Event →
Litterær samtale - Ragnar Hovland & Jan H. Landro
Nov
1
11:00am11:00am

Litterær samtale - Ragnar Hovland & Jan H. Landro

Foto: Eli Berge

Foto: Eli Berge

Det er ei glede å kunna annonsera at sjølvaste Ragnar Hovland kjem til Nynorske litteraturdagar. Publikum vil få møta han i samtale med bokbadar Jan H. Landro. Ragnar Hovland har ein lang og variert forfattarskap bak seg, og har motteke ei mengd prisar opp gjennom åra. Kven veit kva retning denne samtalen kjem til å ta!  Bli med på eit litterært djupdykk inn i Hovland sin forfattarskap!

Ragnar Hovland er ei av dei mest særeigne stemmene i norsk litteratur. Full av spenstige innfall, merkverdige karakterar og populærkulturelle referansar har han i snart 30 år gitt ut meir enn 40 bøker i alle sjangrar. 

Jan H. Landro , journalist og forfattar. Han var tilsett i Bergens Tidende 1978–2012, der han var kulturjournalist frå 1978, kulturredaktør 2006–2011 og redaktør for lesarkontakt 2011–12. I åra 1986-1989 var han redaksjonsjef i J.W. Eides Forlag. I ti år frå 1991 skreiv Landro forfattarpresentasjonar til bokserien «Årets bibliotek» som De norske Bokklubbene i 2000 samla i Århundrets forfattere. No jobbar han som frilansar i eige firma, KulturLandro. Han er mest kjend som journalist, skribent, foredragshaldar, forfattar og "bokbadar". 

Stup uti med Hovland & Landro!

View Event →
Laurdagskonserten med Åshild Mundal
Oct
31
to Nov 2

Laurdagskonserten med Åshild Mundal

Nynorske litteraturdagar handlar ikkje berre om forfattarar og litteratur, men også om kvalitetsmusikk på norsk. Og Åshild Mundal må ein kunna hevda passar særs godt til skildringa, sidan ho leverer fantastisk flott musikk på klingande sognamål. Åshild Mundal debuterte i 2011 med plata "Fritt fall", og følgde opp tidlegare i år med plata "Hotell" - til fantastisk mottaking. Og endeleg kjem ho altså til Nynorske litteraturdagar!

Les meir

View Event →
Soga om Seselja
Oct
31
to Nov 1

Soga om Seselja

seselja

Forfattar Ruth Lillegraven tek med seg musikar Tuva Syvertsen frå Valkyrien Allstars, og folkemusikar Rannveig Djønne til Nynorske litteraturdagar for å framføra "Soga om Seselja - eit portrett i ord og tonar". Dikta som "Soga om Seselja" byggjer på er henta frå Lillegraven si bok Urd - som ho fekk Brageprisen for i 2013. Musikken til soga er ein kombinasjon av nyskriven musikk og tradisjonell folkemusikk - og med tre slike damer på same scene kan det berre bli fantastisk!


View Event →
Populærmusikk Ispedd Litt Sladder - Tokvam&Ose
Oct
31
9:30pm 9:30pm

Populærmusikk Ispedd Litt Sladder - Tokvam&Ose

PILS

Du visste kanskje at Ozzy Osbourne beit hovudet av ei flaggermus under ein konsert i 1982, og at Eric Clapton stal kona til bestevenen George Harrison. Men visste du at Phil Collins deltok som trommeslagar for den norske duoen Tobben & Ero, eller at Corey Hart takka nei til hovudrolla som Marty McFly i filmane "Tilbake til fremtiden", fordi han heller ville satsa på musikken?

 Denne boka fortel om små og store hendingar frå pop- og rockhistoria. Forfattarane byr på historiar om talent, talent som vert skusla vekk, oppturar, nedturar, dumskap, lidenskap, sjalusi, skandalar, sex, dop og drap, tragediar, suksess og pinlege hendingar. 

 Boka er ei einaste lang speleliste der du for kvar av årets dagar får eit høgdepunkt frå pop- og rockhistoria saman med tips til akkurat kva song du skal spela denne dagen. Boka er eit must for alle faste lyttarar av NRK-programmet P.I.L.S, men vil vera til stor glede for alle pop- og rock-entusiastar.

 Bård Ose er musikkjournalist og forfatter. Han har mellom anna skrive bøker om The Beatles og Rollings Stones. Han er ein av programleiarane for radioprogramma P.I.L.S. og Radio Rock på NRK P1.

Finn Tokvam er journalist, musikar, humorist og forfattar. Han er programleiar sammen med Bård Ose i P.I.L.S og er også kjend frå programposten Radio Røynda.

View Event →
Årets festivalmiddag!
Oct
31
7:00pm 7:00pm

Årets festivalmiddag!

I år finn festivalmiddagen stad på Fretheim hotel kl 19-21. 

MENY: Kamskjell med blomkålpure og spekeskinke chips

             Ytrefilet av storfe servert med fleire variantar av rødbete, med raudvinsaus

             Sjokolade variasjon

PRIS: 495,- (festivalmiddagen er ikkje inkludert i festivalpass/dagpass).

PÅMELDING: Direkte til Fretheim hotell på telefon: (+47) 57 63 63 00 eller epost: mail@fretheimhotel.no

FRIST: Fredag 30. oktober kl 20.00.

 

View Event →
Ymsedamer og andre sprell - Oddvar Torsheim&Finn Tokvam
Oct
31
5:00pm 5:00pm

Ymsedamer og andre sprell - Oddvar Torsheim&Finn Tokvam

Foto: Paal Bråtelund

Foto: Paal Bråtelund

Oddvar Torsheim er kjend for dei fleste for sin karakteristiske strek og underfundige humor og kommentar. Multikunstnaren Oddvar Torsheim blir å treffa på Nynorske litteraturdagar, og det ser me så fram til at me tel ned dagane til siste helga i oktober! Torsheim tek med seg den siste utgjevinga si, Ymsedamer, og mange av oss vil nok kjenna oss att i både Appelsindronninga, Lyn-Lotte og Tina Timeglas med fleire. 

Publikum vil få møta Torsheim i samtale med Finn Tokvam - to karar som verkeleg får fram det beste i kvarandre, med både humor og varme i kjend stil!

View Event →