Oct
20
9:00 AM09:00

Poesiyoga

yoga.jpg

Kva med å starte dagen med poesiyoga?

Anne Marie Torheim tek deg med på ein time med YIN YOGA. Dette kan passe for alle - ho kallar det for kvil deg i form-yoga, og du kan kome utan å ha prøvd yoga før. Det er begrensa med plassar. Kun 14 stk!

Du møter i lause, ledige klede, og har med deg ein ekstra gensar og varme sokkar. Resten har Anne Marie som du kan få låne.

Velkomen til ein herleg start på festivaldagen!

Anne Marie Torheim

View Event →
Oct
20
1:00 PM13:00

"Vinje - vår mann" Forestilling med Kyrre Eikås Ottersen

Ulf R. Amundsen

Ulf R. Amundsen

I fjor feira Sogn og Fjordane teater og litteraturforumet «Rom for ord» målmannen, diktaren og folkeopplysaren med ein litterær konsert- og teaterproduksjon, nemleg «Vinje, vår mann». No får me forestillinga i ei komprimert form - servert på nydeleg vis av Kyrre Eikås Ottersen.

- det blir ei fin og intim stund som handlar om Vinje og nokre av songane hans som er tonesett. Det blir ein biografisk halvtime om Vinje i visestil, fortel Kyrre.

Aasmund Olavsson Vinje var ein mann som stod på og kjempa for korleis samfunnet skulle vere. Han såg på ting som var skeivt i samfunnet og var oppteken av like rettar. Han blei motarbeidd og sett ned på av dei som bestemte, men gav seg ikkje. Han kjempa for nynorsken og for at folk skulle få seg ei utdanning, uansett kva stand ein høyrte til.

Publikum vil mellom anna få høyre dikta «Der du gjekk fyre» og «Ved Rondane», i tillegg til utdrag frå den aller første boka på nynorsk, nemleg «Ferdaminni frå sumaren 1860».

- Det er spennande å lese om ein mann som stod på og kjempa for korleis samfunnet skulle vere. Han var praktisk og hadde tankar om alt i frå korleis ein skulle drive ein gard, til korleis ein skulle behandle dyr. Han såg på ting som var skeivt i samfunnet og var oppteken av like rettar. Han blei motarbeidd og sett ned på av dei som bestemte, men gav seg ikkje. Han kjempa for nynorsken og for at folk skulle få seg ei utdanning, uansett kva stand ein høyrte til. Det er ein fantastisk mann å få lov å formidle tekstane til.

View Event →

Oct
19
to Oct 20

Good Time Charlie

Foto: Oddleiv Apneseth

Foto: Oddleiv Apneseth

Me berre seier det: ta på deg gode sko! Good Time Charlie spelar opp og me trur det blir vanskeleg å sitte heilt og aldeles i ro…!

Good Time Charlie (GTC) har spelt på kryss og tvers av landet og langt utanfor landegrensene i meir enn 30 år. Bandet leverer svingande kvalitetsblues og har ein solid tilhengarskare hjå eit godt publikum.

Hjarteleg velkomne til ein svingande god laurdagskveld!

View Event →
Oct
19
9:00 PM21:00

Kvitanesen kjem!

kvitanesen-torbjørnljones.jpg

Kvitanesen har ein spesielt god måte å skildra livet i bygdene våre på. Anten det handlar om tannlegebesøk, skitur til Grimsnuten, fotballkamp, husmåling i lange fruktstigar («stillas er for pyser») eller heilt andre tema, har han ei eiga evne til å finna dei rette orda og ta situasjonen på kornet.

Torbjørn Ljones er ein kjend kåsør og skribent i Hardangerområdet. Han har fare langsetter strendene der fleirfoldige gonger. Ja, så mykje har han opplevd der at han til og med har samla nokre av historiane sine mellom to permar!

No kjem han til oss - og me får berre førebu oss som best me kan, oppvarming av lattermusklatur blir anbefalt!

View Event →
Oct
19
7:00 PM19:00

Bokpresentasjon Anne Gunn Halvorsen "STRESS"

annegunnhalvorsen.jpg

Kvifor er vi så stressa, og kva kan vi gjere med det?

Anne Gunn Halvorsen, forfattaren av den kritikarroste boka Livet og korleis leve det, har prøvd å finne ut kva som gjer at vi kavar oss opp, blir stressa og utbrente. Kvifor blir folk så slitne, og kven sin feil er det eigentleg?

 Forfattaren dreg ut på ei journalistisk reise i det norske stresset og kjem attende med ei rekkje gode tips og observasjonar om tida vi lever i.

Det handlar om sjukepleiaren som slutta i protest mot systemet, om superlæraren som svikta fordi han ville få til alt. Det handlar om vår indre, strenge stemme og kor den kjem frå. Det handlar om meditasjon og det moglege behovet for ein stor revolusjon. For nokre kan det hjelpe å dusje etter jobb og flytte mobilen ut av soverommet. For andre skal det meir til.

Stress og korleis leve med det er ei konkret handbok i stressmeistring og eit underhaldande augeblikksbilete av tida vi lever i. 

Me kan berre gleda oss!

View Event →
Oct
19
3:00 PM15:00

Familiekonsert Good Time Charlie - JUBELBLUES!

GoodTimeCharlie.png

Good Time Charlie har stort engasjement for bluesmusikk – Med konsertkonseptet JUBELBLUES har dei truffe innertiar i det å spele blues for barn i alle aldrar.

Det blir vanskeleg å sitte heilt stille når desse karane spelar opp!

– Stilen vår er happy-go-lucky. Musikk som får ein i godt humør og som er enkel å vere med på. Samstundes skal han ha ein nerve som formidlar noko om livet, som smerte, draumar eller det å ta grep i eige liv , smiler Arle Hjelmeland.

Tekstane er på vestlandsdialekt og songane er lette å synge med på. Her fins både positivt innhald, mykje humor, dans og fri fantasi. Jubelblues er gøy for små og store, og bandet har ein unik evne til å skape god og kreativ kontakt med publikum. Her kan alle i salen delta – det handlar om å få brukt spontaniteten sin på ein god og leikande måte.

Good Time Charlie har lenge vore aktive med å spreie blå musikk til eit yngre publikum, og gav i 2013 ut Noregs første bluesbaserte barneplate på dialekt – «Draumeblues og blåsus» og i 2015 kom «Jubel og Skrubbsår». Begge platene er kritikarrost og svært godt motteke.

View Event →
Oct
19
3:00 PM15:00

Bokpresentasjon Åsmund H. Eikenes "Håkon"

Foto: Tove Breistein

Foto: Tove Breistein

Åsmund H. Eikenes har tidlegare gitt ut sakprosabøkene “handboka” ((2016) og “Sprut” (2018). Han er biolog og forskningsformidlar, og har fått mange lovord om “Håkon”, som er den første romanen hans. Eikenes er frå Leikanger i Sogn og bur i Oslo.

Håkon er ei moderne kjærleikshistorie om å vera i starten av 30-åra og ikkje ha funne plassen sin i livet, verken åleine eller saman med andre.

Me gledar oss til å høyre på Åsmund!

View Event →
Oct
19
2:00 PM14:00

Bokpresentasjon Lars Svisdal "Seg til inkjes"

Foto: Paul S. Amundsen

Foto: Paul S. Amundsen

Lars Svisdal er oppvaksen i Sunndal på Nordmøre. Han er utdanna innan litteraturvitskap, engelsk og nordisk språk og litteratur, og har tidlegare vore med på å gi ut tidsskriftet Ir. Han bur no på Leikanger i Sogn og jobbar som lærar. For sin første roman, Seg til inkjes (2018), blei han tildelt Tarjei Vesaas' debutantpris.

-  Sjølvsagt er det store ting å få denne prisen. Eg har skrive med overlegg lenge. Veldig lenge. At det finst verdi for andre i skapningen alle desse åra har avfødd, er på eit nivå forbløffande. Dette er ikkje ein måte å leike audmjuk på, eg veit kva verdi boka har for meg. Lell er det noko heilt eige å bli minna på den forbløffande verdien ei bok kan ha for nokon som ikkje har sete å brote opp og stokka om og brote opp att alle desse setningane for å tyne det rette inn i dei. Sjølvsagt er det derfor store ting når påminninga er nett denne prisen, sier Lars Svisdal. 

Seg til inkjes er ei forteljing om å sitje fast og å ville vekk, om mødrer og søner, om vaffelsteiking og nattlege fisketurar, om opprør og eldgamle nabokonfliktar – og om å freiste å halde fram så godt ein kan, for ikkje å gjere seg til inkjes.

View Event →
Oct
19
1:00 PM13:00

"Vinje - vår mann" Forestilling med Kyrre Eikås Ottersen

Foto: Ulf R. Amundsen

Foto: Ulf R. Amundsen

I fjor feira Sogn og Fjordane teater og litteraturforumet «Rom for ord» målmannen, diktaren og folkeopplysaren med ein litterær konsert- og teaterproduksjon, nemleg «Vinje, vår mann». No får me forestillinga i ei komprimert form - servert på nydeleg vis av Kyrre Eikås Ottersen.

- det blir ei fin og intim stund som handlar om Vinje og nokre av songane hans som er tonesett. Det blir ein biografisk halvtime om Vinje i visestil, fortel Kyrre.

Aasmund Olavsson Vinje var ein mann som stod på og kjempa for korleis samfunnet skulle vere. Han såg på ting som var skeivt i samfunnet og var oppteken av like rettar. Han blei motarbeidd og sett ned på av dei som bestemte, men gav seg ikkje. Han kjempa for nynorsken og for at folk skulle få seg ei utdanning, uansett kva stand ein høyrte til.

Publikum vil mellom anna få høyre dikta «Der du gjekk fyre» og «Ved Rondane», i tillegg til utdrag frå den aller første boka på nynorsk, nemleg «Ferdaminni frå sumaren 1860».

- Det er spennande å lese om ein mann som stod på og kjempa for korleis samfunnet skulle vere. Han var praktisk og hadde tankar om alt i frå korleis ein skulle drive ein gard, til korleis ein skulle behandle dyr. Han såg på ting som var skeivt i samfunnet og var oppteken av like rettar. Han blei motarbeidd og sett ned på av dei som bestemte, men gav seg ikkje. Han kjempa for nynorsken og for at folk skulle få seg ei utdanning, uansett kva stand ein høyrte til. Det er ein fantastisk mann å få lov å formidle tekstane til.

View Event →
Oct
19
12:00 PM12:00

Brit Bildøen - litterær samtale

Foto: T. Breistein

Foto: T. Breistein

Ho er ein av våre fremste samtidsforfattarar. Brit debuterte i 1991 med diktsamlinga Bilde av menn og har sidan skrive barnebøker, romanar og essay. Ho har også omsett fleire bøker. Det er mange av bøkene hennar som er omsette til fleire språk, og ho har motteke fleire litterære prisar. For boka Tre vegar til havet mottok ho Nynorsk litteraturpris 2018.
Me møter Brit i samtale med Torunn L.Todal

View Event →
Oct
19
11:00 AM11:00

Bokpresentasjon Sigri Sandberg "Mørke"

Foto: Birger Amundsen

Foto: Birger Amundsen

MØRKE : STJERNER, REDSEL OG FEM NETTER PÅ FINSE

Sigri Sandberg har alltid vore mørkredd. Ho dreg aleine til fjells vinterstid for å finne ut meir om mørket og eigen redsel. Vi møter også ei anna kvinne, Christiane Ritter, som overvintra i ei fangsthytte på Svalbard i 1934.

Sandberg skriv om kva som skjer i kroppen når det blir natt. Ho fortel om søvn, stjerner, svarte hol, nordlys og mørketid, men også om himmellover og den globale kampen for nattehimmelen. Kanskje er det slik at dette mørket Sandberg er så redd for, er mykje viktigare enn vi trur? 

View Event →
Oct
19
9:00 AM09:00

Poesiyoga

yoga.jpg

Kva med å starte dagen med poesiyoga?

Anne Marie Torheim tek deg med på ein time med YIN YOGA. Dette kan passe for alle - ho kallar det for kvil deg i form-yoga, og du kan kome utan å ha prøvd yoga før. Det er begrensa med plassar. Kun 14 stk!

Du møter i lause, ledige klede, og har med deg ein ekstra gensar og varme sokkar. Resten har Anne Marie som du kan få låne.

Velkomen til ein herleg start på festivaldagen!

View Event →
Oct
18
to Oct 19

Stein Torleif Bjella - konsert!

Foto: Therese C. Wangberg

Foto: Therese C. Wangberg

Stein Torleif Bjella gjorde seg for alvor bemerka med solodebuten Heidersmenn i 2009. Me har sidan fått vere med på ei reise gjennom eit musikalsk landskap fullt av motbakkar og store djup, overhengande melankoli og underliggjande komikk.

Han har ei fantastisk evne til å beskrive livet og me må både le og gråte i møte med denne  karen frå Ål, med det fandenivoldske skråblikket på livet. Me gler oss til å dele denne konserten med deg på fredagskvelden!

View Event →
Oct
18
9:00 PM21:00

Brit Bildøen m/fl : "Patti Smith på nynorsk"

thumbnail_David Aasen-pattismith.jpg

Patti Smith på norsk er eit samarbeid mellom songaren Kari Harneshaug og forfattarane Brit Bildøen, Ragnar Hovland og Agnes Ravatn, som har omsett songtekstar av Patti Smith til nynorsk. Framføringa inneheld musikalske tolkingar av Kari Harneshaug og gitarist Kyrre Laastad , og prat og opplesing av Brit Bildøen frå memoarbøkene Just Kids og M Train. 

 Omsetjinga blei støtta av Kulturrådet, utval for litteratur, og sidan har dei gjort framføringar ved Trondheim Folkebibliotek, Littlarm i Øystese, Olav H. Hauge-senteret i Ulvik, Bøker i Bø, Dei nynorske festspela og Munch-museet i høve Munch/Mapplethorpe-utstillinga. 

View Event →
Oct
18
8:00 PM20:00

Bokpresentasjon Gunnar Garfors "Ingenstad"

gunnargarfors.jpg

DER INGEN SKULLE TRU AT NOKON KUNNE REISE!

Gunnar Garfors er kjent for å ha reist verda rundt. På sine turar har han møtt menneske frå mange ulike kulturar og samfunn. Når Garfors er på reise, er det nysgjerrigheita som driv han. Hans vennlege og opne vesen gjer at han lett blir kjent med folk der han er.

I boka Ingenstad – på tur til verdas minst besøkte land tek han oss med til dei 20 landa i verda færrast av oss vel å reise til. Han har vevd opplevingane sine saman til ei lett og ledig bok.

Ingenstad møter du mellom anna ein særs imøtekomande statsminister, verdas beste sjokolademakar og ein mangobonde frå Jemen – landet som ein gong hadde fleire hundre tusen turistar i året.

View Event →
Oct
18
7:00 PM19:00

Åpninga!

Livsglede1.png

Med eit tema som “Livsglede” kan me røpe at innhaldet i åpningsarrangementet vil prøve å spegle det på finurleg vis!

Me inviterer til drypp frå programmet, spenstige tonar frå “Stilige Dan” og kanskje ei lita overrasking!

Du er hjarteleg velkomen til å vere med!

View Event →
Oct
18
7:00 PM19:00

Musikkprosjektet "STILIGE DANN"

stiligedan.jpg

Dette er noko de kan glede dykk til! Musikkprosjektet “Stilige Dann” kjem til nynorske litteraturdagar og skal vere med oss både fredag og søndag!

Dei skal gje oss ein god start på festivalen under åpninga fredag 18.oktober kl 19.00 OG dei blir med under Ynskjekonserten i Vangen kyrkje søndag 20.oktober kl 15.00.

Stilige Dann kom til verda våren 2018, med ei salig blanding av velvaksne musikarar og dei pur unge vokalistane Beatrice Juskaite og Anna Jevnaker Asperheim. Jamvel har dei med seg ei herleg blåserekkje, alle med lang fartstid i Sogndal Storband.

Øyvind Lægreid, mannen bak «Eagles på nynorsk» har no tromma saman eit nytt tributeband, til æra for den amerikanske gruppa Steely Dan. «Stilige Dann» er namnet og alle tekstar er sjølvsagt på nynorsk. Ideen var å setja nynorske/dialekttekstar til nokre av Steely Dan sine mest kjende låtar.

Steely Dan vart etablert i 1972 av Donald Fagan og Walter Becker. Jazz, fusion, rock, funk og pop stod på repertoaret til gruppa som var kjend for å vera perfeksjonistar i alle musikalske samanhengar.

Bandet består av:

Odd Tore Moen, vokal

Hans Jørgen Røneid, gitar

Odd Sigmund Høl, gitar

Arnt Kjell Ellingsen, tangentar

Gunstein Røneid, bass

Øyvind Lægreid, trommer

Terje Svori, perkusjon

Beatrice Juskaite, vokal, gitar og kor

Anna Jevnaker Asperheim, vokal

Paal Fosdal, trombone

Gunvor Lidal, trompet

Roar Sandnes, saksofon

View Event →
Oct
18
10:00 AM10:00

Skulebesøk - Asbjørn Rydland

Foto: Tove Breistein

Foto: Tove Breistein

Asbjørn Rydland er frå Seim i Hordaland og bur i Oslo. Han vart tildelt både Nynorsk barnebokpris og Fabelprisen for serien om Drakeguten i 2012. Drakeguten vann NM i litteraturformidling. I Vegandi-serien tek han lesaren med inn i eit fantastisk univers med gudar, magi, dataspel og parallelle dimensjonar.  Den første boka i seien ”Galderstjerna” fekk Uprisen i 2017. Bok nr 2 i serien heiter ”Draumsende” og tek osss med vidare i eventyra til hovedpersonen Eirik.

Me ynskjer Asbjørn hjarteleg velkomen til Aurland!

View Event →
Oct
16
10:00 AM10:00

Skulebesøk - Malin Hellebø!

Foto: Tove Breistein

Foto: Tove Breistein

Visste du at mohairgeita sitt beste sjekketriks er å tisse seg sjølv i fjeset? At edderkoppar sjarmerer damene med musikk og heftige rytmar? At pingvinar frir med småstein? Eller at geviret til hjortebukken er eit verktøy for å imponere dei kresne kollene? I denne boka tek Malin Hellebø og Camilla Kuhn for seg dei fascinerande og rare metodane dyr har for å finne seg ein make. 

Boka tek for seg både insekt, amfibiar og pattedyr og er ein underhaldande og kunnskapsrik inngang til den merkverdige dyreverda.

Malin Hellebø  er frå Lærdal og bur i Oslo. Ho er utdanna lærar, men har dei siste åra blitt kjend som programleiar for Dyrevenn på NRK Super. «Dyras beste sjekketriks» er hennar debutbok.  

View Event →
Oct
21
1:30 PM13:30

Magne Skjæveland - Vinje

magne skjævesland.jpg

Magne Skjævesland er musikar og skodespelar. Han er aktuell med ei forestilling i samband med Vinje-året 2018., og me får møte Vinje i ord og tonar frå boka/reisa "Ferdaminne sumaren 1860".

I 1860 la Aasmund Olavsson Vinje ut på ei reise frå Kristiania til Trondheim for å vere tilstades under kroninga av kong Carl den 15. Han var 42 år, ugift og over gjennomsnittet opptatt av damer. 

Magne Skjævesland byr på gitar og song/kåseri. Han lovar også dramatiserte sekvensar, allsong, hallingkast og danseinnslag!

Hjarteleg velkomen til Vinje-feiring!

View Event →
Oct
21
12:00 PM12:00

Kva gjer ein klassikar?

bilde-SimoneogTorunn.png

Simone Stibbe i samtale med Torunn Todal Laberg. Dei tek føre seg temaet kva som gjer ei forteljing til ein klassikar? Kvifor vil nokre bøker stadig vere aktuelle fleire hundre år etter at dei vart skrivne? Kva er det med desse tema som gjer dei evig levande? Kan me finne nokre felles trekk?

View Event →
Oct
21
11:00 AM11:00

"Klyngetunet"

Dette er historia om den norske landsbyen, eit gløymt fenomen i historia vår.

Forfattar Eva Røyrane og fotograf Oddleiv Apneseth fekk ideen til Klyngetunet då dei samla stoff frå heile landet til bestselgaren Norges låver. På sin hittil siste reise har dei vitja meir enn tretti slike små landsbyar som av ulike årsaker har overlevd tida, frå Agder i sør til Troms i nord. Fleire av dei er freda, nokre har blitt til museum og feriebustader, medan det i andre bur heilt vanlege folk som framleis driv aktivt jordbruk. 

Me gledar oss til å høyre Eva og Oddleiv fortelje om boka!

 

View Event →
Oct
20
6:00 PM18:00

Karl Seglem "Verdsarv"

Verdsarv -Karl Seglem.jpg

Urframføring av verket "VERDSARV".

Med eit stjernelag av dyktige musikarar kjem Karl til oss med heilt ny musikk. Det er stor stas å kunne få invitere til urframføring av "VERDSARV" under Nynorske litteraturdagar!

Karl Seglem, musikk og tekst

Karl Seglem, bukkehorn, tenorsax, stemme

Jorunn Barane, stemme

Håkon Høgemo, hardingfele

Ragnhild Knudsen, bratsj

Stein Villa, harper, langeleik, div.

Lars Jakob Rudjord, tangentinstrument

Roger Morland, bass

Kåre Opheim, trommer

Tba, lyddesign

Tba, lysdesign

View Event →
Oct
20
4:00 PM16:00

Barneprogram: Forteljarsti!

HelenaFarsund.png

Det er litt skummelt...men også litt moro...Kva var den lyden?? Fantasien blir sett i sving og alle sansar tekne i bruk! 

Det blir grøssande god stemning når Helena B. Farsund tek borna med seg ut på vandring denne ettermiddagen. Bli med og finn sogene som ligg løynde i stien bak hotellet... Opplegget passar best for born mellom 8-12 år og tøffe vaksne!

Det kan hende du må ha på deg litt ekstra klede, men når du kjem innatt på hotellet ventar ei varm overrasking!

 

View Event →
Oct
20
3:30 PM15:30

Litterær speed-dating!

simonestibbe.jpg

HAR DU EIN FORFATTAR I MAGEN? ELLER KANSKJE DU HAR EIN GOD IDÈ OG KJENNER EI STADIG STERKARE SKRIVEKLØE? NO KAN DU PRØVE IDEANE DINE PÅ EIN EKTE FORLAGSREDAKTØR!

Under  Nynorske litteraturdagar i år får du nemleg sjansen til å gå på speed-dating med forlagssjef Simone Stibbe i SKALD – og kanskje er det akkurat din bokidè som tenner gneister hjå det lokale forlaget på Leikanger.

– Men det er ikkje berre forfattarspirer me ser etter, presiserer Stibbe. Både omsetjarar, designarar, fotografar og illustratørar er hjarteleg velkomne til ein kjapp prat med oss!

SKALD forlag vil ta i mot folk fortløpande laurdag 20.oktober mellom kl 15.30 og 16.30, på Fretheim hotel i Flåm.

Så har du ein god idè, eller eit eller anna kreativt prosjekt som ligg og ulmar, fyll ut skjemaet og ta det med deg på festivalen. Det kjem også til å liggja skjema på sekretariatet vårt under Nynorske litteraturdagar.

Her er skjema: LITTERÆR SPEED-DATING MED SKALD 

View Event →
Oct
20
3:00 PM15:00

Ordskifte

Helene. Tirill og Linn representerer Aurland Barne- og ungdomsskule under ORDSKIFTE!

Helene. Tirill og Linn representerer Aurland Barne- og ungdomsskule under ORDSKIFTE!

Me inviterer til eit spanande møte mellom 4 ordførarar og ungdomar frå 4 kommunar! Kva er deira tankar om ivaretaking? Har dei same verdisetjing? Korleis ser framtida ut? har dei same syn? Kva grunnlag på leggast i kommunestyresalane i dag for at ungdomane skal velge å satse på ei framtid i bygda si?

Me ynskjer å få ungdomane i tale om kva dei set høgt – kva dei meiner bør ivaretakast i sine lokalsamfunn. Kva skal til for at dei ser føre seg ei framtid her? Kva må prioriterast – og kvifor?

Unge frå dei fire verdsarvkommunane møter ordførarane til eit ordskifte om kvardagen, framtida og ivaretaking! Jan Geir Solheim frå Lærdal, Olav Turvoll frå Vik, Hans Erik Ringkjøb frå Voss og Noralv Distad frå Aurland.

Elevar frå Lærdalsøyri barne.og ungdomsskule, Flatbygdi skule, Vossestrand barne- og ungdomskule og Aurland barne- og ungdomskule deltek i ordskifte. Ser verda likeeins ut for dei unge verdsarvingane og ordføraren deira?

Kafè-dialog gjev også deg som publikum høve til å kome tett på samtalen og til å bli med i ordskiftet om du vil. Me trur det blir stort engasjement, høg temperatur og friske meiningar!

Du kan få vere med på dette spennande møtet - og det heilt gratis!

View Event →
Oct
20
2:00 PM14:00

Øystein Vidnes "Om Mary Shelley"

oystein_vidnes_c_simone_stibbe.jpg

Foredrag om Mary Shelley 

I 2018 er det 200 år sidan verdas første science fiction-roman blei skriven, av den 18 år gamle Mary Shelley. Kven var ho eigentleg, og korleis var det mogleg for ei ung jente på 1800-talet å skrive eit så banebrytande verk at vi framleis ikkje er ferdige med å forstå det?

I dette kåseriet følgjer Øystein Vidnes fotspora til Frankenstein heilt tilbake til tida før forfattaren vart fødd. I lag med ektemannen Percy var Mary Shelley ein ung, romantisk opprørarar i ei konservativ tid, men i motsetnad til opprørske tenåringar flest kunne ho ha foreldra som førebilete: Mary Wollstonecraft og William Godwin var begge radikale, revolusjonære filosofar som ville endre framtida. Noreg har òg ei viktig rolle i denne historia: Om ikkje Mary Wollstonecraft tilfeldigvis hadde reist til Noreg i 1796, på jakt etter eit skip lasta med sølv, og om ho ikkje hadde skrive ei fantastisk bok om det, så ville Frankenstein aldri ha blitt til!

 

View Event →
Oct
20
1:00 PM13:00

Bokbad : Hilde Myklebust

Foto: Tove Breistein

Foto: Tove Breistein

Hilde Myklebust (f. 1979) er frå Syltedalen på Sunnmøre. Felles for dikta til Myklebust er at naturen, og alt det som lever der, alltid er nærverande.  Myklebust har bakgrunn frå Skrivekunstakademiet i Hordaland og har studert litteratur- og teatervitskap ved Universitetet i Bergen.

Ho er aktuell med diktamlinga  "Kvar ein fugl" og me får eit møte med henne i samtale med Marit Bendz.

"Kvar ein fugl" 

Dikt med djupe røter

Frå ein gard i ein fjelldal spring dikta ut. Dei dreier rundt det å drive ein slektsgard vidare og å bli mor til barn som er ein ny generasjon i ei lekkje som strekkjer seg langt attende i tid. I eit konkret og biletsterkt språk fortel dei om garden som ein stad som ser liv komme og gå. Dei som har levd før, er alltid til stades. I steingardar og bygningar, landskap og marker, i namn og spor, gamle tre og i fuglane som flyg over tunet. Nærleiken til naturen er sterk og tydeleg, og slik blir også det forgjengelege eit bakteppe for alt som hender.

View Event →
Oct
20
12:00 PM12:00

EIN PIRRAR!

karlseglem2.jpg

Bli med på ei unik hending! Det gamle kjølelageret i Aurland er staden å vere - me inviterer til ein pirrar!

Mini-konsert med Karl Seglem som gjev ein smakebit på kva som kjem seinare på kvelden, urframføringa av “Verdsarv”.

Bli med på konsert i det spennande lokalet i 2.etasjen på kjølelageret i Aurland. 

Konserten er gratis - møt opp i god tid, det er begrensa med plassar!

 

View Event →